تدري وش ذنبك

موضوع: تدري وش ذنبك السبت فبراير 23, 2008 6:31 am

جيتني لابسلك من الحــسن ثـــوب
منظره يخــدع وفيك القلـــب ذاب

مــادريت ان الخوافـــــــي ياكذوب
معتمه ولــونها لــون الغـــراب

وشــهو ذنبي؟ قذالها حزة غــروب
كـــان مايدري فهذا هو العــجاب

تدري وش ذنبــك من بين الذنـــوب
انــــك إتهدم المحبة ثم تغـاب

وتدري وش اكبر عـــذابَ للقلوب
طعـــنة الغـــفلة من ايدينن قراب

وتدري وش ذنب المخادع ولو يتوب
تبقى طعناته لمحـــبوبه عـــذاب

وتدري وش يطفي مهبات الهبـوب
قطرةَ تذرفـــــها هاذيك السحاب

وانت لوتذرف دموعك كــل صوب
ما اسامـــح لو تغطى بالتراب

للاسف ليتي عرفتك قبـــل اذوب
في بحر حبك واشوف هذا العذاب

مابي اسمع ارجعيــلي ياعــذوب
شف جرحي ما مداه اليوم طاب

ليه ترجـــــــعني لهذيك الـدروب
ليه تبغاني اطالع فــي سراب

والله ما ارجعله وهو فيه هالعيوب
والله مارجع لو تعذرلي وتــــاب